Poslije 15 sezona u NBA ligi, J.J. Redick je najavio kraj karijere dok je vodio novu epizodu svog podcasta, “The Old Man & The Three”, koja je emitovana u utorak.
– Danas zvanično završavam karijeru. Hvala svima koji su bili dio mog putovanja. Košarku sam počeo da igram prije 30 godina u dvorištu na neravnoj površini blata, pijeska i trave. Tu su počeli moji snovi. Kao dječak sanjao sam da igram za univerzitet Duke, sanjao sam i o NBA ligi. Stvarnost je nadmašila taj san, poručio je na društvenim mrežama.
U svojoj najavi odlaska u penziju, Redick je rekao kako mu je teško biti udaljen od porodice, nositi se sa povredama i protokolima COVID-19 i boriti se na terenu.
Tokom karijere igrao je za šest klubova NBA lige – Orlando Magic, Los Angeles Clippers, Milvaukee Bucks, Philadelphia 76ers, Nev Orleans Pelicans i Dallas Mavericks.
